فقہ حنفی سوال نمبر – 0187

منگل _3 _اپریل _2018AH / Fazalurahman Shabandari / 0 Comments

فقہ حنفی سوال نمبر/ 0187
اگر کسی ننگے شخص کو نماز کے دوران کپڑا مل جائے تو اس کا کیا حکم ہے؟

جواب:۔ اگر کوئی شخص کپڑا نہ ہونے کی بنا پر ننگے ہونے کی حالت میں نماز شروع کی پھر اسے ستر چھپانے کے بقدر کپڑا مل جائے تو اس کی نماز فاسد ہوگی اب کپڑا پہن کر دوبارہ نماز پڑھے (درمختار 2/362)

فقہ حنفی سوال نمبر – 0189

منگل _3 _اپریل _2018AH / Fazalurahman Shabandari / 0 Comments

فقہ حنفی سوال نمبر/ 0189
آج کل بعض جگہوں پر بکرے کے کپورے،اور اس کی شرمگاہ کے کھانے کا رواج ہوگیا ہے، لوگ اسے خریدتے ہیں اور کھاتے ہیں اور کہتے ہیں کہ اس سے جنسی قوت میں اضافہ ہوتا ہے تو کیا ان چیزوں کا کھانا جائز ہے؟

جواب:۔ فقہائے احناف نے قرآن و حدیث پر غور کرکے اور شریعت کے مقاصد کو مد نظر رکھتے ہوئے جانور کے سات اعضاء کو کھانا حرام لکھا ہے، بہنے والا خون، جانور کی شرمگاہ چاہے جانور مذکر ہو یا مونث، اور ان کے خصئے (کپورے)، غدود، پِتہ۔ مثانہ۔
اس لئے جانور کی شرمگاہ یا اس کے عضو خاص یا کپوروں کا کھانا جائز نہیں ہے، اس سے بچنا واجب و لازم ہے، ہاں اگر کوئی شخص ایسا بیمار ہو یا ایسی بیماری میں مبتلا ہو جس میں اس سے ہی فائدہ ہوسکتا ہے تو ماہر ڈاکٹر کے مشورے سے بقدرِ ضرورت استعمال جائز ہوگا۔

وأما مایحرم أكله من أجزاء الحيوان سبعة، الدم المسفوح، والذكر، والانثيان، والقبل، والغدة، والمرارة، (فتاوى عالگیری 110/4) الاضطرار يبيح المحظورات (الاشباه و النظائر لإبن نجيم المصري) إذا ضاق الأمر اتسع (الاشباه و النظائر لإبن نجيم المصري)

فقہ حنفی سوال نمبر – 0188

پیر _2 _اپریل _2018AH / Fazalurahman Shabandari / 0 Comments

فقہ حنفی سوال نمبر/ 0188
اگر کوئی معذور شخص کسی نماز کے وقت سے پہلے وضو کرلیا تو اس وقت سے پہلے کیے ہوئے وضو سے اگلے وقت کی نماز پڑھنا کیسا ہے؟

جواب:۔ اگر کوئی معذور شخص مثلاً ظہر کی نماز سے پہلے وضو کرے اور ظہر کی نماز کے بعد اسی وضو سے عصر کی نماز پڑھنا چاہے تو اس کا ایک وضو سے نماز کا وقت گزر جانے کے بعد دوسری نماز اسی وضو سے پڑھنا درست نہیں ہے اس لیے کہ وقت نکلنے سے معذور شخص کا وضو ٹوٹ جاتا ہے۔ (شامی بيروت ٤٣٩/١)