اسلامی افکار

فقہ شافعی سوال نمبر – 0620

اتوار _22 _جولائی _2018AH / Fazalurahman Shabandari / 0 Comments

فقہ شافعی سوال نمبر/ 0620
کیا گونگے جانور کی قربانی کرنا جائز ہے؟

جواب:۔ اگر کوئی جانور گونگا ہو اس طور پر کہ کبھی اس کی آواز سنی نہیں گئی ہو تو اس جانور کی قربانی کرنا جائز ہے۔فقہاءکرام نے مزید اس بات کی وضاحت کی ہے کہ قربانی کے جانور کا گونگا ہونے سے اس کی خوبصورتی پر بھی کوئی اثر نہیں پڑتا نیر قربانی سے جانور کا گوشت ہڈی وغیرہ مقصود ہے، جانور کا بات کرنا ضروری نہیں۔

أربع لا تجزئ في الأضاحي : العوراء البين عورها، والمريضة البين مرضها، والعرجاء البين عرجها، والعجفاء التي لا تنقي…..
لأن المقصود من الأضحية اللحم أو نحو۔. (مغني المحتاج/ كتاب الاضحيه/جلد ٧)

فقہ شافعی سوال نمبر – 0619

اتوار _22 _جولائی _2018AH / Fazalurahman Shabandari / 0 Comments

فقہ شافعی سوال نمبر/ 0619
اگر کوئی شخص سفر میں ہو یا کسی دینی کام کے لیے دوسرے مقام پر گیا ہوا ہو تو اس شخص کےلئے قر بانی کا کیا حکم ہے؟اور ایسا شخص اپنی قربانی کس جگہ کرے گا؟

جواب:۔ اگر کوئی شخص سفر میں ہو یا کسی دینی کام کے لیے دوسری جگہ گیا ہوا ہو اور اس جگہ پر قربانی کرسکتا ہو تو اس مسافر یا مبلغ کےلئے قربانی کرنا سنت موکدہ ہے اور قربانی کرنے کےلئے جگہ متعین نہیں ہے، البتہ اپنے شہر میں قربانی کرنا افضل ہے ۔

أنها سنة مؤكدة وليست بواجبة علي مقيم ولا مسافر ……… وكان ذبحها في بلده أفضل وفي غير بلده جائز۔ (الحاوي الكبير جلد75/15-115)