فقہ شافعی سوال نمبر – 0576
فقہ شافعی سوال نمبر/ 0576
اگر نکاح کے بعد ولیمہ دولہن کے والد اپنے اخراجات سے کرنا چاہتے ہو تو اس کی اجازت ہے یا نہیں؟
جواب:۔ نکاح کے بعد شوہر کے لیے ولیمہ کرنا سنت ہے، اگر نکاح کے بعد ولیمہ دولہن کے والد اپنے اخراجات سے کرنا چاہتے ہو اور شوہر (دولہا) اس کی اجازت دے تو دولہن کے والد اپنے اخراجات سے ولیمہ کرسکتے ہیں اور اس سے ولیمہ کی سنت بھی ادا ہوجائے گی اسی طرح دولہن بھی شوہر کی اجازت سے اپنے شوہر کی طرف سے ولیمہ کرسکتی ہے لیکن شوہر کسی کو اجازت نہ دے تو ولیمہ کی سنت ادا نہ ہوگی.
(وليمة العرس)….. (سنة) بعد عقد النكاح الصحيح للزوج الرشيد ولولي غير أبيه أو جده من مال نفسه كما يأتي، فلو عملها غيرهما كأبي الزوجة أو هي عنه فالذي يتجه أن الزوج إن أذن تأدت السنة عنه فتجب الإجابة إليها وإن لم يأذن فلا (تحفة المحتاج 298/3) (إعانة الطالبين 555/3)