اسلامی افکار

فقہ شافعی سوال نمبر – 0876

جمعرات _30 _جولائی _2020AH / Fazalurahman Shabandari / 0 Comments

فقہ شافعی سوال نمبر /0876
*قربانی کے لیے جانوروں کی عمر کا اعتبار ہوگا یا دانتوں کا اعتبار ہوگا؟*
*قربانی کے صحیح ہونے کے لیے جانور کے لیے متعین کردہ عمر کے مطابق ہونا ضروری ہے قربانی کے جانوروں میں دانتوں کا کوئی اعتبار نہیں ہے، بلکہ دانت صرف عمر معلوم کرنے کے لئے بطور علامت کے ہیں، لہذا اگر یقینی طور پر شریعت کی متعین کردہ عمر کے مطابق جانور ہے تو خواہ دانت ہوں یا نہ ہوں قربانی درست ہوگی۔*
*قال الإمام الرملي في نهاية المحتاج: وَشَرْطُ) إجْزَاءِ (إبِلٍ أَنْ تَطْعُنَ) بِضَمِّ الْعَيْنِ…..أَيْ تَشْرُعُ (فِي السَّنَةِ السَّادِسَةِ وَبَقَرٌ وَمَعْزٌ فِي الثَّالِثَةِ وَضَأْنٌ فِي الثَّانِيَةِ) بِالْإِجْمَاعِ .* (نهاية المحتاج:٨ / ١٣٣)

فقہ شافعی سوال نمبر – 0875

جمعرات _30 _جولائی _2020AH / Fazalurahman Shabandari / 0 Comments

فقہ شافعی سوال نمبر/ 0875
*عرفہ کے روزہ میں کس جگہ کی تاریخ کا اعتبار ہوگا سعودیہ کی یا ہندوستان کی؟*
*ہر شہر والوں کے لئے ان کی رؤیت کا اعتبار ہوگا اور جب کسی شہر میں لوگ چاند دیکھ لیں تو اس کا حکم ان سے دور والے شہر کے لوگوں کے لئے ثابت نہیں ہوگا۔ شہروں کے مختلف ہونے کی وجہ سے مطالع اور مغارب بھی مختلف ہوتے ہیں اور ہر قوم اپنے اپنے مطلع و مغرب کے مخاطب ہوتے ہیں. امام شافعی ؒکے نزدیک مشہور قول کے مطابق قرب وبعد کا مدار اختلاف مطالع پر ہے کہ جن دو مقامات کے طلوع شمس یا طلوع فجر یا طلوع کواکب اور ان کے غروب کے اوقات مختلف ہوں تو اختلاف مطالع مانا جائے گا، اسی طرح چاند کی رؤیت میں ہندوستان اور سعودیہ کے اعتبار سے فرق ہوگا، کیوں کہ ان دونوں ملکوں کے طلوع وغروب میں فرق ہے۔ چاند کے معاملہ میں بھی مقامی رؤیتِ ہلال کمیٹی کے اعلان پر عمل کریں گے، اس اعتبار سے اپنے اپنے علاقے میں چاند کی رویت کے اعتبار سے جس دن نو ذی الحجہ کی تاریخ ہوگی عرفہ کا روزہ اسی دن رکھنا سنت ہے ۔*
*إن أم الفضل بنت الحارث بعثتہ إلی معاویۃ بالشام قال: فقدمت الشام فقضیت حاجتھا واستھل علی رمضان وأنا بالشام فرأیت الھلال لیلۃ الجمعۃ ثم قدمت المدینۃ فی آخر الشھر فسألنی عبد اللہ بن عباسؓ ثم ذکر الھلال فقال متی رأیتم الھلال؟ فقلت: رأیناہ لیلۃ الجمعۃ فقال آنت رأیتہ؟ فقلت: نعم ورآہ الناس وصاموا وصام معاویۃ، فقال: لکن رأیناہ لیلۃ السبت فلا نصوم حتی نکمل ثلاثین أو نراہ، فقلت: أولاتکتفی برؤیۃ معاویۃ وصیامہ فقال: لا، ھٰکذا امرنا رسول اللہﷺ* (صحیح مسلم:۲۵۲۸ *امام نوویؒ فرماتے ہیں: باب بیان أن لکل بلد رؤیتھم وأنھم إذا رأوا الھلال ببلد لا یثبت حکمہ لما بعد عنھم* *امام نووی ؒلأن الطوالع والغوارب قد تختلف لاختلاف البلدان وإنما خوطب کل قوم بمطلعھم ومغربھم ألا تری الفجر قد یتقدم طلوعہ فی بلد ویتأخر فی بلد آخر؟ وکذلک الشمس قد یتعجل غروبھا فی بلد ویتأخر فی آخر ثم کل بلد یعتبر طلوع فجرہ وغروب شمسہ فی حق أھلہ فکذلک الھلال* (المجموع: ۶؍۲۷۵)