فقہ شافعی سوال نمبر – 0622

جمعرات _26 _جولائی _2018AH / Fazalurahman Shabandari / 0 Comments

فقہ شافعی سوال نمبر/ 0622
اگر کسی مرد کا انتقال ہوجائے تو اس کی بیوی کی عدّت کب سے شروع سے ہوتی ہے مرنے کے بعد سے یا تدفین کا عمل مکمل ہونے کے بعد سے شروع ہوگی ؟

جواب:۔ مرنے والے کی عدت کا وقت روح کے قبض ہونے کے فوراً بعد شروع ہوجاتا ہے، تدفین کا اعتبار نہیں ہوگا ۔“وعدة الوفاة من الموت” (منهاج الطالبين 3/38)

فقہ شافعی سوال نمبر – 0621

بدھ _25 _جولائی _2018AH / Fazalurahman Shabandari / 0 Comments

فقہ شافعی سوال نمبر/ 0621
ایک جانور کو قر بانی کے ایام شروع ہونے سے پہلے کوئی مرض لاحق ہو گیا تھا اسکی وجہ سے اسکی صحت کافی متأثر ہوگئی لیکن قربانی کے ایام میں وہ جانور اچھا ہوگا مگر کمزوری کے اثرات اب بھی باقی ہے تو کیا ایسے جانور کی قربانی درست ہے؟

جواب:۔ ایسا جانور جسے قربانی کے ایام شروع ہونے سے پہلے کوئی مرض لاحق ہوجائے اسکی وجہ سے اسکی صحت کافی متأثر ہوگئی ہو لیکن قربانی کے ایام میں اس جانور کی بیماری مکمل دور ہوجائے، البتہ اس مرض کی وجہ سے جانور میں کمزوری کا اثر باقی رہے تو ایسے جانور کی قربانی کرنا درست ہے۔

قال امام النووي رحمة الله عليه: العجفاء التي ذهب مخها من شدةهزالها لاتجزئ وإن كان به بعض الهزال ولم يذهب مخها أجزأت۔ (روضة الطالبين2/464) لا تجزئ التضحية بما فيه عيب ينقص اللحم ألمريضة. فإن كان مرضها يسيرا لم يمنع الإجزاء وإن كان بينا يظهر بسبب الهزال واللحم لم يجز ۔ (المجموع:8/293)