فقہ شافعی سوال نمبر – 1095

منگل _23 _اگست _2022AH / Fazalurahman Shabandari / 0 Comments

فقہ شافعی سوال نمبر / 1095
نابالغ بچے کو والدین اگر سونے چاندی کے زیور پہنائیں تو کیا والدین گنہگار ہوں گے؟
مردوں پر سونےکے زیورات حرام ہیں اور چاندی کی انگوٹھی کے علاوہ دیگر زیورات حرام ہیں البتہ بالغ ہونے سے پہلے بچوں کو والدین سونے چاندی کے زیور وغیرہ پہنائیں تو والدین گنہگار نہیں ہوں گے کیونکہ بچے کو سونا چاندی کے زیورات پہننا جائز ہے.
قال الامام أبن حجر الهيتمي رحمة الله عليه : والسِّوارُ والخَلْخالُ وسائِرُ حُلِيِّ النِّساءِ للُبْسِ الرَّجُلِ بِأنْ قَصَدَ ذَلِكَ بِاِتِّخاذِهِما فَهُما مُحَرَّمانِ بِالقَصْدِ فاللُّبْسُ أوْلى وذَلِكَ؛ لِأنَّ فِيهِ خُنُوثَةً لا تَلِيقُ بِشَهامَةِ الرَّجُلِ بِخِلافِ اتِّخاذِهِما لِلُبْسِ امْرَأةٍ أوْ صَبِيٍّ (تحفة المحتاج: ٣\٢٧٢) حاشية الترمسي :٥\١٨٣ المجموع :٥\٤٣٤ فتح الوهاب :١\١٢٧ حاشية البجيرمي على شرح المنهج :٢\٣١

فقہ شافعی سوال نمبر – 1093

پیر _22 _اگست _2022AH / Fazalurahman Shabandari / 0 Comments

فقہ شافعی سوال نمبر / 1093
اگر کسی وجہ سے حکومت کی طرف سے یہ حکم جاری کیا جائے کہ مطاف میں صرف عمرہ کرنے والوں کو جانے کی اجازت ہے جس کی وجہ سے لوگوں کو طواف وداع اوپری حصہ سے کرنا لازم ہو تو کیا یہ فاصلہ طویل ہونے کی وجہ سے بہت سے لوگ تکلیف و مشقت کی بناء پر طواف وداع کے بجائے مکہ سے نکلنے سے عین وقت پہلے کوئی عمرہ کرے جس میں طواف و سعی سے فارغ ہوجائے اور حلق سے پہلے طواف وداع سے فارغ ہوجائے تو اس طرح کرنے کی گنجائش ہے يا نہیں؟
حالات کے پیش نظر مطاف چوں کہ صرف معتمرین کے لیے کھلا ہے اور معتمرین کے علاوہ کسی کو نیچیے اترنے کی اجازت نہیں ہے ایسی صورت میں اگر کوئی مکہ سے عین نکلنے سے پہلے عمرہ کرے اور اس میں طواف و سعی سے فارغ ہوجائے اور حلق سے پہلے طواف وداع سے فارغ ہوجائے تو اس کی گنجائش نہیں ہے اسلئے کہ طواف وداع کا اطلاق تمام مناسک حج کو ادا کرنے کے بعد ہوتا ہے اور ان مناسک میں سے ایک نسک حلق باقی رہا اسلیے اس کی کنجائش نہیں ہے۔ البتہ اگر سعی کے بعد باہر نکلنے سے پہلے کچھ بال کاٹ دے اور اس کے بعد طواف وداع کرے تو گنجائش ہوگی
علامہ سلیمان جمل رحمة اللہ علیہ فرماتے ہیں: ولا يَجُوزُ أيْضًا بَعْدَ طَوافِ وداعٍ، بَلْ لا يُتَصَوَّرُ وُقُوعُهُ بَعْدَهُ كَما قالاهُ؛ لِأنَّهُ لا يُسَمّى طَوافَ وداعٍ إلّا إنْ كانَ بَعْدَ الإتْيانِ بِجَمِيعِ المَناسِكِ ومِن ثَمَّ لَوْ بَقِيَ عَلَيْهِ شَيْءٌ مِنها جازَ لَهُ الخُرُوجُ مِن مَكَّةَ بِلا وداعٍ لِعَدَمِ تَصَوُّرِهِ فِي حَقِّهِ حِينَئِذٍ (حاشية الجمل:٤/ ١٢١) حاشية الشرواني و العبادي: ٤/ ٩٩ تحفة المحتاج: ٢/ ٥٧ الغرر البهية: ٤/ ٢٥٢ أبحاث هيئة كبار العلماء:٧/٤٥٠

فقہ شافعی سوال نمبر – 1092

بدھ _17 _اگست _2022AH / Fazalurahman Shabandari / 0 Comments

فقہ شافعی سوال نمبر / 1092
سجدہ سہو میں دو سجدوں کے بجائے ایک ہی سجدہ کیا اور نماز مکمل کرلی کیا دوبارہ نماز پڑھنا ضروری ؟
سجدہ سہو میں دو سجدوں کے بجائےایک ہی سجدہ کرلے تو دوباره نماز پڑھنے کی ضروت نہیں

علامہ بغوی رحمة الله عليه فرماتے ہیں: والسهو في سجود السهو لا يوجب سجود السهو، حتى لو تكلم في سجدتي السهو، أو في أحدهما، أو سلّم بينهما لا يلزمه سجود السهو. (التهذيب في فقه الإمام الشافعي: ٢/‏١٩٤) بحر المذهب للروياني:٢/‏١٦٦ الحاوي الكبير:٢/‏٢٢٤ تحفة المحتاج في شرح المنهاج ٢/‏٢٠٤