فقہ شافعی سوال نمبر – 0274

بدھ _2 _نومبر _2016AH / Fazalurahman Shabandari / 0 Comments

سوال نمبر/ 0274
عورت کے لیے شوہر یا محرم مردوں کے ساتھ گھر میں نماز پڑھنے کا کیا حکم ہے ؟

جواب:۔ مرد کا اپنی بیوی کے ساتھ یا محرم عورتوں کے لیے امامت کرانا بغیر کسی کراہت کے جائز ہے، اس لیے کہ نماز کے علاوہ میں ان لوگوں کے ساتھ خلوت اختیار کرنا مباح ہے اس لیے عورت کا اپنے شوہر یا محرم مردوں کے ساتھ نماز پڑھنا جائز ہے۔

قال أصحابنا : اذا ام الرجل بامرأته او محرم له وخلا بها جاز بلا كراهة، لانه يباح له الخلوة بها في غير الصلواة. المجموع 241/4
ويصلي الرجل بالنساء ومن وزات محارمه بحرالمذهب 418/2

فقہ شافعی سوال نمبر – 0273

منگل _1 _نومبر _2016AH / Fazalurahman Shabandari / 0 Comments

سوال نمبر/ 0273
قبر کی کھدوائی پر اجرت لینے کا حکم کیا ہے ؟

جواب :۔ قبر کی کھدوائی پر اجرت لینا جائز ہے۔

امام غزالی علیہ الرحمہ لکھتے ہیں
وحفرالقبور و دفن الموتي …فان الاستاجار علي جميع ذالك….يجوز (الوسيط:363/2 )

فقہ شافعی سوال نمبر – 0271

پیر _31 _اکتوبر _2016AH / Fazalurahman Shabandari / 0 Comments

سوال نمبر/ 0271
پیمپر (pamper) بندھا ہوا بچہ نماز کی حالت میں اگر کسی عورت کی گود میں بیٹھ جائے تو کیا اس صورت میں اس کی نماز پر کوئی اثر پڑیگا ؟
جواب پیمپر (pamper) پہنا ہوا بچہ اگر نماز کی حالت میں کسی عورت کی گود میں آکر بیٹھ جائے اور اس نے نجاست کی ہو تو اس عورت کی نماز باطل ہوجائے گی، اگر نجاست موجود نہ ہو تو پھر اس عورت کی نماز پر کوئی اثر نہیں ہوگا۔

اما اذا حمل قارورة مصممة الرأس برصاص او نحوه فيها نجاسة، فلا تصح الصلاته علي الصحيح۔ (المجموع:153/3)
ولو حمل قارورة فيها نجاسة، فان لم يكن رأسها مضموما او كان ضمَّا ضعيفا فصلاته باطلة، لانه حامل نجاسة ظاهرة ، وان كان رأسها مضموما ضمَّا وثيقا برصاص وما في معناه فمذهب للشافعي صلاته أيضا باطلة۔ (الحاوي الكبير:365/2)

فقہ شافعی سوال نمبر – 0272

اتوار _30 _اکتوبر _2016AH / Fazalurahman Shabandari / 0 Comments

سوال نمبر/ 0272
اگر کسی شخص کو ایسی چیز گری پڑی مل جائے جسکے گم ہونے کی مالک کو کوئی پرواہ نھیں ہوتی. ایسی چیز کو اٹھانے کا کیا حکم ہے اور اسکی دلیل کیا ہے؟
جواب :۔ حضرت مقدام بن معدیکرب سے مروی ہے کہ نبی کریم صلی اللہ علیہ وسلم نے فرمایا "سنو دانت والے چیر پھاڑ کرنے والے درندے اور پالتو گدھے حلال نھیں ہے اور نہ معاھد کا لقطہ حلال ہے مگر یہ کہ صاحب لقطہ اس سے بےنیاز ہو (ابو داود:3804)
اس حدیث سے فقھاء نے استدلال کیا ہے کہ اگر کوئی شخص ایسی گری پڑی چیز پالے جس کی جانب سے اس کا مالک مستغنی ہو یعنی شیئ یسیر ہو معمولی چیز اور اسکے طلب کرنے کا وہ ارادہ نہ رکھتا ہو یا کوئی جستجو نہ ہو تو ایسی صورت میں وہ اس چیز کا استعمال کرسکتا ہے

امام عمرانی فرماتے ہیں
فان كانت يسيرة بحيث يعلم أن صاحبها لو علم أنها ضاعت منه لم يطلبها كزبيبة أو تمرة وما أشبهها لم يجب تعريفها، له أن ينتفع بها في الحال لما روي انس "ان النبي صلى الله عليه وسلم مر بتمرة مطروحة في الطريق فقال لو لا ان تكون من تمر الصدقة لاكلتها (بخاري: 2431)(البيان 7/438/39)